پارەی سعوودیە کێشە دەخاتە نێوان مێترۆڤیج و فولهام
یاریگا-ئەلیکساندەر مێترۆڤیج بڕیاریداوە هەرگیز یاری بۆ فولهام نەکاتەوە چونکە یانەکەی ئۆفەرێکی سعوودیەی بۆ ئەو یاریزانە رەتکردووەتەوە بەگوێرەی سکای سپۆرت.
مێترۆڤیج یەکێکە لەو یاریزانانەی لە سعوودیەوە داواکراوە و ئامادەن مووچەیەکی زۆری پێبدەن بەڵام فولهام دوو گرێبەستی بۆ هێرشبەرەکەیان رەتکردووەتەوە.
ئەمە لە کاتێکدایە، مێترۆڤیچ رەزامەندی داوە لەسەر گرێبەستێکی هیلال کە مووچەی ساڵانەی ٢١ ملیۆن پاوەند بوو. هیلال دوو گرێبەستی ٢٥ ملیۆن پاوەند و ٣٥ ملیۆن پاوەندییان بۆ فولهام ناردووە بەڵام دوات رەتکردنەوەیان، فولهام نرخی هێرشبەرە سڕبییەکەی بە سەروو ٥٠ ملیۆن خەمڵاندووە.
ئەمەش یاریزانەکەی توڕەکردووە و پێی وایە یانەکەی زوڵمیان لێکردووە و ئەو یاریزانەیان بێ بەشکردووە لە مووچەیەکی زۆر بەهۆی چاوچنۆکی خۆیان.
گرێبەستی ئێستای مێترۆڤیج و فولهام لە ٢٠٢٦دا بەسەردەچێت.
