مۆندیالی خانمان: نیوزلەندا 1-0 نەرویج

یاریگا

جامی جیهانی 2023 خانمان دەستی پێکرد و لە یەکەم یاریی هەڵبژاردەی نیوزلەندا توانی بە ئەنجامی 1-0 لە نەرویج بباتەوە.

لە یاریی کردنەوەی مۆندیالی 2023 خانمان هەڵبژاردەی نیوزلەندا یەکێک لە میواندارەکانی پاڵەوانتیەکە لە کۆمەڵەی یەکەم رووبەڕووی هەڵبژاردەی خانمانی نەرویج بووەوە و توانی یارییەکە بە ئەنجامی 1-0 ببەنەوە.

خانمانی نەرویج یەکێک لە پاڵێوراوانی بەدەستهێنانی ناسناوەکەن، بۆیە دۆڕانیان لەم یارییە چاوەڕوان نەکراو بوو، بە تایبەت بەرامبەر نیوزلەندا کە مێژوویەکی باشی لە مێژووی مۆندیالی خانمان نیە. تاکە گۆڵی یارییەکەش لە خولەکی 48 لە رێگەی هانا ویلکێنسۆن تۆمار کرا.

خانمانی نیوزلەندا لە دووەم یاریی کۆمەڵەی یەکەم رۆژی 25 ئەم مانگە رووبەڕووی خانمانی فلیپین دەبنەوە و نەرویج و سویسڕاش هەر لە هەمان رۆژ رووبەڕووی یەکتری دەبنەوە.