یاریگا –
پێدەچێت ریال مەدرید بۆ وەرزی داهاتوو، دوو ئەستێرەی بەهرەمەند پێشکەش تۆپی پێی ئەوروپا بکات.
هەریەکە لە ئاردا گولەر و براهیم دیاز، سەرنجی هەمووان لە مەشقەکانی مەدرید بۆ خۆیان رادەکێشن، ئەمەش لە درێژەی ئامادەکارییەکانی یانە ئیسپانییەکە بۆ وەرزی نوێ.
لە مەشقەکانی چوارشەممەدا، ئاردا گولەر بە شێوەیەکی سەرنج راکێش دوو یاریزانی بڕی، یاریزانەکانیش هەریەکە لە تۆنی کروس و جود بێڵینگهام بوون.
🚨🚨🎥 | تدريبات اليوم
مهارة أردا وسحب فيها بيلينغهام وكروس !!!
🔥🔥🔥🔥🔥🔥🔥
🤯🤯🤯🤯🤯🤯 pic.twitter.com/dDTGvE7Hg2— محمود مجيد ¹⁴ (@MMajeedSX) July 19, 2023
لە لایەکی دیکەوە، براهیم دیاز گۆڵێکی جوانی کرد، دوای ئەوەی گۆڵپارێزەکەی سڕ کرد و تۆپەکەی خستە نێو تۆڕی تیمی بەرامبەر.
🚨🚨🎥 | تدريبات اليوم
براهيم دياز يسحب الحارس ويسجل pic.twitter.com/YWcwYicopg
— محمود مجيد ¹⁴ (@MMajeedSX) July 19, 2023
ریال مەدرید ئێستا لە ویلایەتە یەکگرتووەکانی ئەمریکایە و ئامادەکاری بۆ وەرزی نوێ دەکات. کارلۆ ئانچێلۆتی تەواوی یاریزانەکانی بانگهێشتی گەشتەکەی ئەمریکا کردووە، جگە لە دانی سێبایۆس نەبێت، چونکە تووشی پێکان بووە.
ئاردا گولەر بە بڕی 20 ملیۆن یۆرۆ لە فەنەرباچێیەوە پەیوەندی بە ریال مەدرید کرد و براهیم دیازیش دوای بەڕێکردنی سێ وەرز بە خواستن لەگەڵ میلان، جارێکی دیکە گەڕایەوە مەدرید.
