بە فەرمی ئۆریۆل رۆمیۆ پەیوەندی بە بارسێلۆنا کرد
یاریگا –
بە شێوەیەکی فەرمی ئۆریۆل رۆمیۆ پەیوەندی بە یانەی بارسێلۆنا کرد.
کەمێک لەمەوبەر پێگەی فەرمی بارسێلۆنا بڵاویکردەوە، بەشێوەیەکی فەرمی لەسەر گواستنەوەی ئۆریۆل رۆمیۆ، لەگەڵ جیرۆنا گەیشتنە رێککەوتن، یاریزانەکە بۆ سێ وەرزی داهاتوو درێسی بارسێلۆنا دەپۆشێت.
گرێبەستی یاریزانە تەمەن 31 ساڵانییەکە لەگەڵ یانە کەتەلۆنییەکە تا هاوینی ساڵی 2026 دەبێت، مەرجی هەڵوەشاندنەوەی گرێبەستەکەش 400 ملیۆن یۆرۆیە.
👋 𝑩𝙚𝒏 𝒕𝙤𝒓𝙣𝒂𝙩, 𝑶𝙧𝒊𝙤𝒍 pic.twitter.com/3ZCwAkMsfX
— FC Barcelona (@FCBarcelona_es) July 19, 2023
پابلۆ تۆرێسی ئیسپانی و ناوەڕاستکاری تەمەن 20 ساڵانی بارسێلۆنا تێهەڵکێشی گرێبەستەکە کراوە، ناوبراو بەشێوەی خواستن تا هاوینی ساڵی 2024 یاری بۆ جیرۆنا دەکات.
رۆمیۆ لە رابردوو لە ساڵی 2004 تا 2011 یاری بۆ تیپە جیاوازەکانی بارسێلۆنا کردووە، بە درێسی بارسێۆنا لە وەرزی 2010-2022 نازناوێکی لالیگا و جامی سوپەری ئیسپانیای بەدەستهێناوە.
لە وەرزی 2011-2012 یاری بۆ یانەی چێڵسی کردووە، بە درێسی یانە ئینگلیزییەکەش نازناوێکی چامپیۆنزلیگ و جامی یەکێتی ئینگڵتەڕای بەدەستهێناوە.
لە ژیانی پیشەگەری خۆی 421 یاری بە درێسی یانەکانی بارسێلۆنا، چێڵسی، ڤاڵێنسیا، شتوتگارت، ساوسهامپتن و جیرۆنا کردووە، خاوەنی 12 گۆڵ و 6 ئەسیستە.
𝗢𝗥𝗜𝗢𝗟 𝗥𝗢𝗠𝗘𝗨 𝗩𝗨𝗘𝗟𝗩𝗘 𝗔𝗟 𝗕𝗔𝗥𝗖̧𝗔 💙❤️ pic.twitter.com/OqMhhWUz1P
— FC Barcelona (@FCBarcelona_es) July 19, 2023
