چێڵسی بەرگریكارێكی مانچێستەر یونایتدی دەوێت
یاریگا –
یانەی چێڵسی ئینگلیزی بیر لە گواستنەوەی هاری ماگوایەری ئینگلیزی و كاپتنەكەی پێشووی یانەی مانچێستەر یونایتدی ئینگلیزی دەكاتەوە.
چێڵسی هەواڵێكی ناخۆشی پێگەیشت دوای ئەوەی لە بەیاننامەیەكدا رایانگەیاند كە بەرگریكاری یانەكەی ویسلی فۆفانا نەشتەرگەری لە بەستەری ئەژنۆی دەكات و ماوەیەكی زۆر لە یاریگاكان دووردەكەوێتەوە.
PICK THAT OUT.@HarryMaguire93 scored his first goal for @ManUtd exactly one year ago today 🚀#EmiratesFACup #OnThisDay pic.twitter.com/ykwJFORSAF
— Emirates FA Cup (@EmiratesFACup) January 26, 2021
بەپێی زانیارییەكانی رۆژنامەی میترۆی ئینگلیزی ئێستا چێڵسی لە هەوڵی بەدەستهێنانی شوێنگرەوەیەكدایە بۆ فۆفانا دوای ئەوەی هەریەك لە كالیدۆ كۆلیبالی و سیزار ئازپیلیكویتاش ریزەكانی یانە لەندەنیەكەیان جێهێشت لە گواستنەوەكانی هاوینەدا.
رۆژنامەكە ئەوەشی ئاشكرا كردووە، چێڵسی دەیەوێت بۆ پتەوكردنی هێڵی بەرگری یانەكەی هاری ماگوایەر لە ریزەكانی مانچێستەر یونایتدەوە بگوازێتەوە.
چاوەڕوان دەكرێت فۆفانا لە یارییەكانی وەرزی داهاتووی 2023/2024 بێ بەش بێت.
چێڵسی دەكەوێتە كێبڕكێ لەگەڵ یانەكانی وێستهام و نیوكاسڵ بۆ گواستنەوەی بەرگریكارەكەی شەیتانە سوورەكان.
ماگوایەر لەگەڵ مانچێستەر یونایتد تا ساڵی 2025 گرێبەستی هەیە و هەفتانە بڕی 180 هەزار پاوەند وەردەگرێت.
لە گواستنەوەكانی هاوینی ساڵی 2019 ماگوایەر بە بری 80 ملیۆن پاوەند لە لێستەر سیتیەوە پەیوەندی بە مانچێستەر یونایتدەوە كرد.
وەرزی رابردوو ئێریك تێن هاخ پشتی بە بەرگریكارە ئینگلیزیەكە نەبەست و لە پرێمەرلیگ تەنیا 16 یاری ئەنجامدا.
