کویزی ئارسیناڵ… بزانە چەند ئەفسانەی یانە لەندەنییەکە دەناسیتەوە؟

فرێدی لونبێرگە، ئەفسانەی سوێدی کە 328 یاری لەگەڵ ئارسیناڵ لە ساڵانی نێوان 1998 تاوەکو 2007 کرد.

پاتریک ڤیێرا، یەکێکە لە باشترین یاریزانانی مێژووی ئارسیناڵ. بەشێک بوو لە ئەندامانی گەنەرز لە وەرزە زێڕینەکەی 2003-04.

دەیڤد سیمان، یەکێکە لە باشترین گۆڵپارێزانی مێژووی ئارسیناڵ و ئینگلتەرا. نازناوی دەستە پارێزراوەکەی پێ بەخشراوە.

تێری هێنری بە باشترین یاریزانی مێژووی ئارسیناڵ دادەندرێت.. لە کۆی 377 یاری 228 گۆڵی لەگەڵ گەنەرز کردووە و دوو جار نازناوی پرێمەرلیگی بەدەستهێنا.

تۆنی ئادامسە، ئەفسانەی هێڵی بەرگری ئارسیناڵە و بۆ ماوەی 14 وەرز یاری بۆ یانە لەندەنییەکە کرد. 669 یاری لەگەڵ ئارسیناڵ کردووە.

مارک ئۆڤەرمارس، ئەستێرەی هۆڵەندی تەنیا سێ وەرز یاری بۆ ئارسیناڵ کرد. بەڵام لە 142 یاریدا 41 گۆڵی کرد. ئەمەش وایکرد ببێتە خۆشەویستی هاندەرانی تۆپهاوێژەکان.

دێنیس بێرکامپ، 11 وەرز یاری بۆ ئارسیناڵ کرد و سێ نازناوی پرێمەرلیگی بەدەستهێنا و یەکێکە لە باشترین هێرشبەرانی مێژووی یانە لەندەنییەکە.

ئایان رایت، یەکێکە لە باشترین هێرشبەرانی ئارسیناڵ. 185 گۆڵی لە 288 یاریدا کردووە. شەش وەرز لەسەر یەک گۆڵکاری ئارسیناڵ بوو.

ئیمانوێل پیتیت، ئەستێرە فەرەنسییەکە سێ وەرز یاری بۆ ئارسیناڵ کرد و 118 یاری لە بژاردەکانی ئارسێن فینگەردا بوو.

لی دیکسن، لە ماوەی مانەوەیدا لە قەڵای هایبری، 11 نازناوی بردەوە و 619 یاری لەگەڵ ئارسیناڵ کرد.