بۆ گواستنەوەی بێرناردۆ سیلڤا، پاریس ئۆفەرێکی پێشکەش بە سیتیزن کردووە
یاریگا –
یانەی پاریس سانجێرمانی فەڕەنسی هەوڵەکانی چڕکردووەتەوە بۆ گواستنەوەی بێرناردۆ سیلڤا.
رۆژنامەنووس سانتی ئۆنا بڵاویکردووەتەوە، بۆ گواستنەوەی بێرناردۆ سیلڤا، پاریس سانجێرمان ئۆفەرێکی فەرمی پێشکەش بە مانچێستەر سیتی کردووە.
ئۆنا ئاماژەی بەوەش کردووە، یانە ئینگلیزییەکە ئامادەیە دەستبەرداری ئەستێرە پۆرتوگالییەکە ببێت، بەو مەرجەی بڕە پارەیەکی شایستەیان پێبدرێت.
لەلایەکی دیکەوە خۆرخێ مێندێز، بریکاری کاروباری یاریزانن هەموو هەوڵێکی خستووەتە گەڕ بۆ ئەوەی گواستنەوەکە رووبدات.
🚨💙🇵🇹 #PL |
◉ Manchester City a une offre du PSG sur la table jugée trop basse.
◉ Les Citizens sont prêts à le vendre mais à un prix raisonnable.
◉ Jorge Mendes pousse pour que le deal se fasse.
◉ Paris a proposé plusieurs joueurs dans la balance (Verratti, Donnarumma,… https://t.co/mXao4dfZXn pic.twitter.com/Aujf4cSLFq
— Santi Aouna (@Santi_J_FM) July 17, 2023
هەر بەپێی زانیارییەکانی سانتی ئۆنا، پاریس هەوڵیداوە یەکێک لە یاریزانان ڤیێڕاتی، دۆناروما یاخود کیمپێمبی تێهەڵکێشی گرێبەستەکە بکات، بەڵام بلوو موون رەتیکردووەتەوە و تەنیا بە پارە دەستبەرداری سیلڤا دەبن.
هاوکات خودی یاریزانە تەمەن 28 ساڵانییەکە ئارەزوو دەکات پەیوەندی بە یانەی بارسێلۆنای ئیسپانی بکات، بەڵام یانە کەتەلۆنییەکە تا ئێستا بەشێوەیەکی جدی هەوڵی گواستنەوەی نەداوە.
سیلڤا لە هاوینی 2017 لە مۆناکۆی فەڕەنسییەوە بە بڕی 50 ملیۆن یۆرۆ گواسترایەوە بۆ سیتیزن، بە درێسی یانەکەی ئێستای 306 یاری کردووە، 55 گۆڵی کردووە و 59 گۆڵیشی درووستکردووە.
