پارێدیس پێشکەشی گالاتاسارای کراوە

یاریگا

یانەکانی پاریس سانجێرمان و گالاتاسارای لەسەر گواستنەوەی لیاندرۆ پارێدێس ڕێککەوتوون، بەڵام خودی یاریزانەکە تا ئێستا گڵۆپی سەوزی بۆ ئەم گواستنەوەیە هەڵنەکردووە.

لیاندرۆ پارێدێس وەرزی ڕابردوو بە خواستن لە ریزەکانی یانەی یوڤێنتوسی ئیتاڵی یاریکرد، بەڵام نەیتوانی بیانکۆنێری ڕازی بکات کە بڕگەی کڕینی یاریزانەکەی کارا بکات و بەم شێوەیەش گەڕایەوە پاریس و تاوەکو ئەم ساتەش چارەنوسی نادیارە.

رۆژنامەی وەرزشی ئێکیپی فەرەنسی بڵاویکردەوە شازادەکان لەگەڵ یانە تورکیەکە دانوستان دەکەن سەبارەت بە گواستنەوەی پارێدێس بۆ یانەکەی شاری ئیستانبۆل بەرامبەر  6 ملیۆن یۆرۆ هەردوولا نزیکن لە رێککەوتن، بەڵام لیاندرۆ پارێدێس داوای هەفتەیەک کردووە بۆ بیرکردنەوە لەو پێشنیازە.