یاریگا –
یانەی ریال مەدرید بۆ مەشق وراهێنان و ئەنجامدانی چەند یارییەکی دۆستانە لە ئەمریکا ئامادە دەبن. کارلۆ ئەنچیلۆتی راهێنەری یانەکە لە کۆنگرەیەکی رۆژنامەوانیدا باسی لە ئامانجەکانی تیپەکەی کرد لەم کەمپەدا و وێبسایتی فەرمی ریال مەدرید چاوپێکەوتنەکەی بڵاوکردۆتەوە کەم بەم شێوەیە:
تیپەکە بەم زووانە ئامادە دەبێت؟
ئێمە بە قۆناغێکی گرنگدا تێدەپەڕین و پێویستمان بەو یاریزانە نوێیانە هەیە کە پەویوەندییان بە اینەکەمانەوە کردووە بۆ ئەوەی بە زووترین کات لەگەڵ شێوازی کارکردن و ستراتێجی ئێمەدا بگونجێن. هەروەها بەم زووانە یاریزانی هەڵبژاردە نیشتمانییەکان بۆ مەشق و راهێنان بۆ کەمپەکەمان دەگەڕێنەوە.
ئامانجی سەرەکی بۆ گەشتی ئەمریکا؟
چەند ئامانجێکمان هەیە بۆ بەشداریکردن لەم گەشتەدا. ئێمە دەمانەوێت تیپەکە بۆ وەرزی نوێ ئامادە بکەین، یاریگا نایابەکان بناسین، لەگەڵ هاندەرانی ئەمریکی نزیک ببینەوە و ئامادەکارییەکانمان تاقی بکەینەوە بە بەشداریکردن لە یارییە دۆستانەکاندا.
بیرۆکەت سەبارەت بە یاریزانە نوێیەکانتان؟
ئێمە زۆر کار دەکەین و گەشتی ئەمریکا زۆر گرنگە بۆ هەموو تیمەکە. بێگومان یاریزانانی وەک جود بێلینگهام و ئاردا گولەر و فران گارسیا و خوسلۆ و برایم دیاز کە بەم دواییە پەیوەندییان پێوەکردین، دەرفەتی ئەوەیان هەیە خۆیان لەگەڵ بیرۆکە نوێیەکانی تۆپی پێدا بگونجێنن و هاوڕێ نوێیەکانیان باشتر لەم گەشتەدا بناسن.
مێسی ئاستی تۆپی پێی ئەمریکا باشتر دەکات؟
کڕینی لیۆنێل مێسی لەلایەن ئینتەر میامی دەتوانێت یارمەتیدەر بێت بۆ گەشەپێدانی تۆپی پێ لە ئەمریکا چونکە جۆش و خرۆشێکی بەرز لەنێو هاوڵاتیانی ئەم وڵاتەدا دروست دەکات.
رووبەڕووبوونەوەی میلان لە یاریگای رۆز بۆول؟
بیرەوەرییەکی خراپم لەم یاریگایە هەیە، چونکە لە یاری کۆتایی جامی جیهانی 1994 لەگەڵ هەڵبژاردەی ئیتاڵیا لە رۆز بۆول بە بەرازیل دۆڕاین. بێگومان دڵنیام لە یارییەکەی لەگەڵ میلان شاهیدی کەشێکی ئارامی ئەم یاریگایە دەبین.
