کاتی مەراسیمی پێشکەشکردنی لیۆ مێسی دیاریکرا

یاریگا-

لیۆنێل مێسی ئەستێرەی ئەرجەنتینی، سبەی شەو لە کاتژمێر 1:30 بەرەبەیان بە کاتی هەولێر پێشکەش بە هاندەران دەکرێت وەکو یاریزانی نوێی ئینتەر مەیامی.

یانەی ئینتەر مەیامی ئەمریکی ئاشکرای کرد، مەراسیمیەکە لە ئەپڵیکەیشنی ئەپل تیڤی بێ بەرامبەر پەخش دەکرێت، هەروەها لە تویتەر و فەیبسووکی یانەکەش ڕاستەوخۆ ئاهەنگەکە دەگوازنەوە.

ناساندنی لیۆ مێسی وەکو یاریزانی نوێی ئینتەر مەیامی، لە یاریگای DRV PNK بەرێوەدەچێت، کە ئەو یاریگایە تەنیا 18 هەزار هاندەر لە خۆدەگرێت.