لۆدی پەیوەندی بە مارسلیاوە دەكات
یاریگا –
رینان لۆدی یاریزانی باڵی چەپی هەڵبژاردەی بەڕازیل و یانەی ئاتلێتیكۆ مەدریدی ئیسپانی پەیوەندی بە مارسلیای فەڕەنسیەوە دەكات.
گرێبەستەكەی لۆدی لەگەڵ ئاتلێتیكۆ مەدرید لە هاوینی ساڵی 2026 بەسەردەچێت.
كەمێك پێش ئێستا فابریزیۆ رۆمانۆ رۆژنامەنووسی ئیتاڵی و شارەزا لە بازاڕی گواستنەوەی یاریزانان لە ئەوروپا لە هەژماری تایبەتی خۆی بڵاویكردەوە، هەموو شتێك كۆتایی هات و رینان لۆدی پەیوەندی بە مارسلیای فەڕەنسیەوە دەكات.
Renan Lodi to Olympique Marseille, it’s done and here we go! Full agreement in place with Atlético Madrid, documents being signed. 🔵🇧🇷 #OM
Contract also agreed as Renan Lodi has accepted OM as next destination.
Medical being booked, deal sealed. pic.twitter.com/ZiOPpoIyJn
— Fabrizio Romano (@FabrizioRomano) July 13, 2023
ئەوەشی ئاشكرا كردووە، بەرگریكارە بەڕازیلیەكە بە بری 13 ملیۆن یۆرۆ پەیوەندی بە مارسلیاوە دەكات و ئاتلێتیكۆ مەدرید بڕگەیەكی لە گرێبەستەكەیدا زیاد كردووە ئەگەر لە داهاتوودا یانە فەڕەنسیەكە یاریزانەكە بفرۆشێت لە %20 بۆ ئەو یانەیە دەبێت.
رۆمانۆ ئەوەشی ئاشكراكردووە، سبەی پشكنینە پزیشكیەكان بۆ یاریزانەكە دەكرێت.
وەرزی رابردوو لۆدی بە شێوەی خواستن پەیوەندی بە نۆتێنگهامەوە كرد و لەگەڵ ئەو یانەیە 32 یاری كرد توانی گۆڵێك بكات و گۆڵێكیش درووست بكات.
