دوو کۆمپانیای گەورە هەوڵی بەدەست هێنانی ڤینیسیوس دەدەن
یاریگا –
ڤینیسیوس جۆنیۆر گرێبەستەکەی لەگەڵ کۆمپانیای نایکی کۆتایی پێهاتووە چییتر رێکلام بۆ ئەم بڕاندە ناکات، بەم بۆنەیە کۆمپانیای ئەدیداس و پوما باشترین چانسی گرێبەستکردنیان هەیە لەگەل ئەم لاوە بەڕازییلیە.
چەند مانگێک لەمەوبەر ڤینیسیۆس جونیۆر کێشەی لەگەڵ سپۆنسەرەکەی، نایکی درووست بوو و چاوەڕوان دەکرا گرێبەستەکەی لەگەڵ کۆمپانیاکە هەڵبوەشێنێتەوە. ناڕەزایی ڤینیسیۆس لە نایکی بەهۆی بەشداری پێنەکردن لە ریکلامەکانی پێش جامی جیهانی کۆمپانیاکە و گرنگی نەدان بە تواناکانی وەک پێویست بوو.
بەپێی هەواڵێکی رۆژنامەی مارکا، ڤینی بە فەرمی گرێبەستەکەی لەگەڵ کۆمپانیای نایک هەڵوەشاندەوە و بەم نزیکانە سپۆنسەری هەشتەمی رادەگەیەنرێت.
ئەستێرە بەڕازیلییەکە هاوکاری کۆمپانیاکانی وەک بێت ناسیۆناڵ، وەن فوتبۆڵ، زاهێ دیلیڤەری، پێپسی، گۆڵدن کۆنسێپت، ڤیڤۆ و EA Sports دەکات. زۆر گرنگی بە ریکلامەکانی دەدات.
بەپێی تەمەنی نەیمار پێدەچێت لە داهاتوویەکی نزیکدا ڤینیسیۆس ببێتە ئەستێرەی یەکەمی تۆپی پێی بەڕازیلی و براندە ئەڵمانیەکانی ئەدیداس و پوما کێبڕکێی گرێبەست کردن لەگەڵ ڤینی دەکەن.
