ئینتەر میلان واز لە لوکاکو ناهێنێت
یاریگا –
بۆ گواستنەوەی رۆمێلو لوکاکۆ، یانەی ئینتەر میلانی ئیتاڵی لەگەڵ یانەی چێڵسی لەندەنی لە گفتوگۆدایە.
رۆژنامەنووس فابریزیۆ رۆمانۆ بڵاویکردووەتەوە، ئینتەر میلان ئۆفەرێکی بە بڕی 30 ملیۆن یۆرۆ پێشکەش بە چێڵسی کردووە بۆ گواستنەوەی لوکاکوی بەلجیکی و هێرشبەری یانەکە.
ئینتەر میلان نایەوێت لە لوکاکۆ جیا ببێتەوە، هێرشبەرەکەی بلوزیش ئۆفەرێکی گەورەی سعودییەکانی رەتکردووەتەوە، دەیەوێت لە ئەورپا بەردەوامبێت.
بەپێی قسەکانی رۆمانۆ، چێڵسی و ئینتەر گفتوگۆ لەسەر وردەکاری گرێبەستەکە دەکەن، نیرازۆری ترسی لەدەستدانی لوکاکوی هەیە، هیواخوازە بەزووی گواستنەوەی یاریزانە 30 ساڵانییەکە لە بەرژەوەندی خۆی یەکلایی بکاتەوە.
Chelsea and Inter will be in contact to discuss details of €30m new bid submitted for Romelu Lukaku. Talks are ongoing. 🔵🇧🇪
Inter hope to make it happen in time to avoid any other club’s attempt to sign Romelu. pic.twitter.com/1zkvlOxitU
— Fabrizio Romano (@FabrizioRomano) July 13, 2023
هێرشبەرە بەلجیکییەکە لە هاوینی 2021 بە بڕی 113 ملیۆن پاوەند لە ئینتەر میلانەوە گواسترایەوە بۆ چێڵسی، تا هاوینی 2026 گرێبەستی لەگەڵ لەندەنییەکان هەیە، بەڵام پاش تەنیا یەک وەرز یاریکردن لە لەندەن، جارێکی دیکە گەڕایەوە ئینتەر میلان، ماوەی دوو وەرزە بەشێوەی خواستن درێسی یانە ئیتاڵییەکە دەپۆشێت.
رۆمیلۆ بە درێسی ئینتەر 132 یاری کردووە، 78 گۆڵی بۆ یانەکە کردووە و 32 گۆڵیشی درووست کردووە، نازناوێکی سێریا ئەی، جامی ئیتاڵیا و سوپەری ئیتاڵیاشی لەگەڵ یانەکە بەدەستهێناوە.
