بایرن میونشن دەستبەرداری گۆرتێسکا دەبێت

یاریگا

یانەی بایرن میونشنی ئەڵمانیا ئامادەیە دەستبەرداری لێئۆن گۆرتێسکا ناوەڕاستکاری یانەکەی بێت.

کەناڵی TZ ئەڵمانی بڵاویکردەوە، یانە باڤارییەکە ئامادەیە ئەم هاوینە ئەگەر ئۆفەرێکی باشیان بۆ بێت، دەستبەرداری ناوەڕاستکاری یانەکەیان بن.

سەرچاوەکە بڵاویکردەوە گۆرتێسکا زۆر بە کەمی لەلایەن توماس توخێلی راهێنەری یانەکە یاریی پێدەکرێت، بۆیە ئامادەن ئەم هاوینە دەستبەرداری بن، سەرەڕای ئەوەش یاریزانەکە ئامادەیە بجەنگێت بۆ ئەوەی رەزامەندی راهێنەرەکەی بەدەست بێنێت.

باڤارییەکان گرنگی بە چوامینی ناوەڕاستکاری فەرەنسی یانەی ریال مەدرید دەدەن، بەڵام بەهۆی زۆری نرخی یاریزانەکە بەربەستیان لەبەردەمە.