ئیکاردی لە تورکیا دەمێنێتەوە

یاریگا

مائورۆ ئیکاردی هێرشبەری ئارجێنتینایی یانەی گالەتەسەرای تورکیا بڕیاریداوە لەگەڵ یانەکەی شاری ئیستانبۆل بەردەوام بێت.

فابریزیۆ رۆمانۆ رۆژنامەنوسی ئیتاڵی بڵاویکردەوە، ئیکاردی بڕیاریداوە لە خولی تورکیا بەردەوام بێت و یانەکەشی ئامادەیە مەرجی هەڵوەشاندنەوەی گرێبەستەکەی پێشکەش بکات.

ئیکاردی مولکی یانەی پاریس سانجێرمانە و وەرزی رابردووو بە شێوەی خواستن لە ریزەکانی یانەی گالەتەسەرای یاری کرد.

رۆمانۆ بڵاویشی کردەوە یانە تورکیەکە لەگەڵ شازادەکان گەیشتووەتە رێکەوتن لەسەر 10 ملیۆن یۆرۆ بۆ هێشتنەوەی مائورۆ ئیکاردی.