پاریس هەوڵی رازیکردنی شوێنگرەوەی ئێمباپێ دەدات

یاریگا

یانەی پاریس سانجێرمانی فەرەنسا بێ هیوا بووە لە مانەوەی کلیان ئێمباپێ گۆڵکاری یانەکەی، بۆیە بە دوای شوێنگرەوەی دەگەڕێت.

ماڵپەری Le10sportـی فەرەنسا بڵاویکردەوە کە پاریس سانجێرمان جێگرەوەی کیلیان مباپێی هەڵبژاردووە و لویس کامپۆس پەیوەندی پێوەکردووە بۆ ئەوەی ویلفرید زاها ڕازی بکات.

لەکاتێکدا میدیاکانی تورکیا پێداگری لەسەر ئەوە دەکەن کە گواستنەوەی ویلفرید زاها، بۆ فەنەرباهچە بە شێوەیەکی کردەیی پشتڕاستکراوەتەوە، بەڵام لە فەرەنسا باس لەوە دەکەن هێرشبەرەکەی کریستال پالاس نزیکە لە پەیوەندی کردن بە شازادەکان.

لەلایەکی دیکەوە لە چەند رۆژی رابردوو دەنگۆی ئەوە بڵاوبووەوە زاها ئۆفەرێکی گرانبەهای یانەی نەسڕی سعودی رەتکردووەتەوە.