ریال مەدرید لە گرێبەستێكی دیكەدا كێبڕكێی بارسێلۆنا دەكات
یاریگا –
یانەی ریال مەدریدی ئیسپانی چوویە نێو كێبڕكێی بەدەستهێنانی یەكێكی دیكە لە ئامانجەكانی بارسێلۆنا لە مێركاتۆی هاوینەدا.
هەردوو یانەی بارسێلۆنا و ریال مەدرید كێبڕكێی بەدەستهێنانی تواناكانی ئاردا گولەر یاریزانی توركی فەنەرباخچێی هەمان وڵاتیان دەكرد، دواجار یانە شاهانەكە یاریزانەكەی گواستەوە ریزەكانی یانەكەی.
😘 #WelcomeArda 😘 pic.twitter.com/mzxFqOJjzX
— Real Madrid C.F. (@realmadrid) July 7, 2023
بەپێی زانیاریەكانی رۆژنامەی مۆندۆ دیپۆرتیڤۆ ریال مەدرید گرنگی بە گواستنەوەی ئیڤان فریسێندا بەرگریكاری ڤایادۆلیدی ئیسپانی دەدات.
رۆژنامەكە ئاماژەی بەوەشكردووە، فریسێندا ئامانجی بارسێلۆنایە لە گواستنەوەكانی هاوینەدا شانبەشانی هەریەك لە یانەكانی ئارسیناڵ، میلان و یوڤێنتوس.
مۆندۆ ئەوەشی ئاشكرا كردووە، ریال مەدرید پێی وایە باڵی راستی پێوویستی بە بەهێزكردن هەیە لە پاڵ دانی كارڤاخال.
بڕی هەڵوەشاندنەوەی گرێبەستی یاریزانەكە 20 ملیۆن یۆرۆیە و یانە ئیسپانیەكە بە 15 ملیۆن یۆرۆ دەستبەرداری یاریزانەكەی دەبێت.
