ئینگلتەرا
مان یونایتد نزیکە لە گواستنەوەی ئۆنانا
یاریگا
بەم نزیکانە مانچستەر یونایتد گواستنەوەی ئاندرێ ئۆنانا لە ریزەکانی یانەی ئینتەرمیلان بە ئۆفەرێکی نوێ بەرامبەر 55ملیۆن یۆرۆ کۆتایی دێنێت.
فابریزیۆ ڕۆمانۆ بڵاویکردەوە پرۆسەی ئەرێنی دانوستانەکانی نێوان ئینتەرمیلان و مانچستەر یونایتد سەبارەت بە گواستنەوەی ئەندرێ ئۆنانا بۆ ئۆڵدترافۆرد ڕاگەیاند و دەڵێت گۆڵپارێزە 27 ساڵانەکە لەگەڵ شەیتانە سوورەکان گەیشتووەتە ڕێککەوتنی کۆتایی.
یانە ئینگلیزیەکە دەیەوێت ئۆنانا بۆ گەشتەکەی پێش وەرز بۆ ئەمریکا لەگەڵی بێت، بۆیە بڕیارە بەم نزیکانە کۆتا ئۆفەری خۆی پێشکەش بکات و تا کۆتایی هەفتەی داهاتوو گواستنەوەی ئۆنانا یەکلایی بکاتەوە.
مانچێستەر یونایتد دوایین ئۆفەری بۆ ئینتەرمیلان بۆ گواستنەوەی یاریزانەکەی پێشووی ئەیاکس 50 ملیۆن یۆرۆ بوو، تەنها 5 ملیۆن یۆرۆی ماوە بۆ جێبەجێکردنی داواکارییەکەی نیرازۆری.
