فەرمی: سیزار ئازپیلیكویتا چێڵسی جێهێشت
یاریگا –
بەشێوەیەكی فەرمی یانەی چێڵسی ئینگلیزی رۆیشتنی سیزار ئازپیلیكویتا كاپتنی یەكەمی یانەكەی لە ریزەكانی راگەیاند.
گرێبەستەكەی بەرگریكارە ئیسپانیەكە لەگەڵ بلووز لە هاوینی ساڵی 2024 بەسەردەچوو، چێڵسی وەك رێزێك رێگەی بە رۆیشتنی كاپتنی یانەكەی دا بە خۆڕایی دوای ئەوەی پێشكەشی یانەكەی كرد.
بە پارچە ڤیدیۆیەك كە هەژماری فەرمی چێڵسی لە تۆڕی كۆمەڵایەتی تویتەر دایناوە سیزار ئازپیلیكویتا دوای 11 ساڵ ماڵئاوایی لە ریزەكانی یانەكەی كرد.
We are bidding an emotional farewell to a Chelsea great.
Thank you for everything, @CesarAzpi. 💙 pic.twitter.com/wHDcALJX5m
— Chelsea FC (@ChelseaFC) July 6, 2023
بە گریانەوە كاپتنەكەی چێڵسی ماڵئاوایی لە یانەكەی كرد و ووتی: من ناتوانم وشەیەك بدۆزمەوە بۆ ئەوەی ناخی من دەربخات، ئەوە باوەڕپێنەكراوە، دەمەوێت سوپاسی هەمووتان بكەم كە هاوكاریتان كردم لەم گەشتەدا.
بەردەوام بوو ووتی: چێڵسی وەك ماڵی من دەمێنێتەوە، هیوادارم جارێكی تر بگەڕێمەوە بۆ ئێرە، شانازی بەو كارانە دەكەم كە بە درێژایی ژیانی وەرزشیم لەگەڵ یانەكەم كردوومە و كاپتنی ئەو یانەیە بووم.
Always a Blue. 🔵
— Chelsea FC (@ChelseaFC) July 6, 2023
سیزار ئازپیلیكویتا لە ریزەكانی مارسیلیای فەڕەنسیەوە بە بڕی نۆ ملیۆن یۆرۆ پەیوەندی بە بلووزەوە كرد.
چاوەڕوان دەكرێت یاریزانە ئیسپانیەكە پەیوەندی بە ریزەكانی ئاتلێتیكۆ مەدریدەوە بكات بە گرێبەستێك بۆ ماوەی دوو وەرز.
