بە فەرمی ئاردا گولەر پەیوەندی بە ریال مەدرید کرد
یاریگا –
بەشێوەیەکی فەرمی ئاردا گولەری تورکی پەیوەندی بە یانەی ریال مەدریدی ئیسپانی کرد.
کەمێک لەمەوبەر پێگەی فەرمی ریال مەدرید بڵاویکردەوە، بەشێوەیەکی فەرمی گرێبەستیان لەگەڵ ئاردا گولەری تورکی و یاریزانی پێشووی یانەی فەنارباچێ واژۆ کردووە.
گرێبەستی ناوەڕاستکارە تەمەن 18 ساڵانییەکە لەگەل ریال مەدرید تا هاوینی ساڵی 2029 دەبێت، ناوبراو دەستبەجێ پەیوەندی بە یانەکە دەکات، بە پێچەوانەی ئەوەی کە باس دەکرا لە 2024 پەیوەندی بە مێرێنگی دەکات.
🤍 #WelcomeArda 🤍 pic.twitter.com/Orqb5NVDqG
— Real Madrid C.F. (@realmadrid) July 6, 2023
پێگەی فەرمی ریال مەدرید ئاماژەی بەوەش کردووە، سبەی هەینی کاتژمێر 2 بە کاتی کوردستان، ئاردا گولەر پێشکەش بە هاندەران دەکرێت و لێدوان بۆ میدیاکان دەدات.
ئاردا بە درێسی فەنەرباچێ 81 یاری کردووە، 23 گۆڵی کردووە و 25 گۆڵیشی درووستکردووە، یەک جاریش نازناوی جامی تورکیای بە درێسی یانەکە بەدەستهێناوە.
