کۆتایی ئەم مانگە کلاسیکۆ دەکرێت

یاریگا

بڕیارە لە کۆتاییەکانی ئەم مانگە هەردوو یانەی بارسێلۆنا و ریال مەدرید لە کلاسیکۆی دۆستانە رووبەڕووی یەکتری ببنەوە.

بارسێلۆنا رۆژی 10ـی ئەم مانگە بە مەبەستی ئامادەکاری بۆ وەرزی داهاتوو  گەشتی ئەمریکا دەکات و لەوێش چەند یارییەکی دۆستانە و ئامادەکاری دەکات و پاشان دەگەرێتەوە و لە ئیسپانیا ئامادەکاری بۆ وەرزی نوێ دەکات.

لە گەشتەکەی بۆ ئەمریکا بلاوگرانا چەند یارییەکی دۆستانە دەکات، یەکێک لەو یارییانە رۆژی 29ـی ئەم مانگە کاتژمێر 1 نیوەڕۆ بە کاتی هەولێر بەرامبەر ریال مەدرید دەبێت.

هەر لەو گەشتەی ئامادەکاری لە ئەمریکا بارسێلۆنا رووبەڕووی یوڤێنتوس و ئارسێناڵ و ئەیسی میلان دەبێتەوە.