ریال مەدرید ناتوانێت خواستەکانی ئێمباپێ جێبەجێ بکات

یاریگا

کلیان ئێمباپێ هێرشبەری یانەی پاریس سانجێرمانی فەرەنسا ئامادەیە ریزەکانی یانەکەی جێبێڵێت و یانەکەشی ئامادەیە دەستبەرداری بێت.

ماڵپەری RMC Sport بڵاویکردەوە یانە شازادەکان ئامادەن بەرامبەر 200 ملیۆن یۆرۆ دەستبەرداری هێرشبەرەکەیان بن و لە هەمان کاتدا ئەو یاریزانەش هەموو مووچەی وەرزی 2023-2024 دەوێت، ئەمەش ئەرکی ئەو یانەیە زەحمەت دەکات کە هەوڵی گواستنەوەی بۆ دەدات.

سەرچاوەکە بلاوی کردەوە ریال مەدرید ئامادەنیە ئەم دوو بژاردەیە بۆ گواستنەوەی ئێمباپێ بدات، لەبەری ئەوەی بەهۆی نۆژەنکردنەوەی یاریگای سانتیاگۆ بیرنابیۆ توانای خەرج کردنی ئەو هەموو پارەیان نیە.

ناسر خلێفی سەرۆکی پاریس سانجێرمان دوێنێ لە کاتی ناساندنی لویس ئێنریکێ وەکو راهێنەری نوێی یانەکەی بە راشکاوانە گووتی، ئێمباپێ یان دەبێت ئەم هاوینە گرێبەستەکەی نوێ بکاتەوە، یان دەبێت یانەکەیان جێبێڵێت.