بریکاری مانێ هاتە دەنگ
یاریگا
بەرێوەبەری کارەکانی سادیۆ مانێ هێرشبەری سەنیگالی یانەی بایرن میونشن هەموو دەنگۆکانی ئەم دواییە رەتدەکاتەوە.
سادیۆ مانێ دوای تەنها یەک وەرز لە بایرن میونشن بەهۆی ئاستە لاواز و نائومێدکەرەکەیەوە لە لیستی فرۆشتنی ئەم یانەیەدایە. لە چەند ڕۆژی ڕابردوودا دەنگۆی پێشکەشکردنی ئۆفەری بەشێک لە یانە سعودییەکان بۆ ئەم یاریزانە تەمەن 31 ساڵە بڵاوبووەوە، تەنانەت وێنەیەکی ناوبراو لە باڵیۆزخانەی سعودیە لە سەنیگال بڵاوکرایەوە، ئەمەش هێندەی تر دەنگۆکانی بەهێزتر کرد.
دوای ئەم دەنگۆیانە بریکارەکەی هێرشبەری سەنیگالی ئەم دەنگۆیانەی ڕەتکردووەتەوە، باکاری سیسێ لە چاوپێکەوتنێکدا لەگەڵ کەناڵی 365Scores Arabic لەبارەی ئەو دەنگۆیانە گووتی
پێشنیارەکانی ئەهلی یانەکانی دیکەی سعودیە؟ ئەمە ڕاست نییە و هیچ پەیوەندییەک لە نێوانماندا نییە و تاوەکو ئەم ساتە هیچ یانەیەکی ئەم ولاتە ئۆفەری بۆ گواستنەوەی مانێ پێشکەش نەکردووە
لەلایەکی دیکەوە رۆژنامەی کیکەری ئەڵمانی بڵاویکردووە، سەرەڕای ئەوەی کە یانە سعوودیەکان باس لە گرنگیدانیان دەکەن و لە کۆتایی وەرزی ڕابردوودا لەلایەن تۆماس توخێلەوە لە پێکهاتەی سەرەکی دوورخرایەوە، بەڵام هیچ ئاماژەیەک نییە بۆ ئەوەی سادیۆ مانێ بیەوێت لە گواستنەوەی هاوینەی ئەمساڵدا بایرن میونشن جێبهێڵێت.
