ریال مەدرید یاریزانێکی نوێ گواستەوە ریزەکانی

یاریگا

یانەی ریال مەدریدی ئیسپانیا لەسەر ئاستی هەموو تیپەکانی هەوڵی رێکخستنەوەی خۆی دەدات و ئەمجارەیان لەسەر ئاستی تیپی خانمان یاریزانێکی نوێی گواستەوە ریزەکانی.

ماڵپەری فەرمی یانەی ریال مەدریدی ئیسپانیا بڵاویکردەوە، لەگەڵ ئۆهانێ هێرناندێز خانمە بەرگریکاری باسکی گەیشتنە رێکەوتن و ئەو یاریزانە وەرزی داهاتوو بە درێسی یانەکەیان بەشداری لالیگای خانمان دەکات.

ئۆهانێ لەوەتەی ساڵی 2018 لە ریزەکانی یانەی ئاتلێتیک بیلباو یاریی دەکات و لەگەڵ ئەو یانەیە لە کۆی 79 یاریی توانی 2 گۆڵ تۆمار بکات.

ئەو خانمە یاریزانە بەهۆی ئاستە بەرزەکەی لە وەرزی رابردووی لالیگا، بووە هۆی بانگهێشت کردنی بۆ هەڵبژاردەی ئیسپانیا و بڕیارە ئەم مانگە لەگەڵ هەڵبژاردەکەی بەشداری مۆندیالی خانمان لە ئوستوراڵیا و نیوزلەندا بکات.