دهۆک لە یاریگای خۆی پێشوازی لە کارەبا دەکات

یاریگا

یانەی دهۆک دوای یەکسانبونەکەی یاریی رابردوو بەرامبەر کەربەلا لە گەڕی 34 خولی نایابی عێراق، ئەمڕۆ کاتژمێر 19 بە کاتی هەولێر لە یاریگای خۆی و لە گەڕی 35 خولەکە پێشوازی لە یانەی کارەبای شاری بەغدا دەکات.

دهۆک لە کۆی 34 یاریی ئەم وەرزەی لە خولی نایابی عێراق، خاوەنی 11 بردنەوە و 14 بەرامبەربوون و لە 9 یاریش دۆڕاوە و بە کۆکردنەوەی 47 خاڵ لە پلەی نۆیەمی ریزبەندی خولی نایابی عێراق دێت.

دوایین بردنەوەی دهۆک لە خولی نایابی عێراق 48 رۆژ لەمەوبەر بەرامبەر سناعە بووە و لەو کاتەوە هیچ یارییەکیان نەبردووەتەوە و لە کۆی 5 یاریی 2 یارییان دۆڕاندووە و لە 3 یاریش بەرامبەربوینە.

دهۆک و کارەبا لە مێژووی خولی نایابی عێراق 14 یارییان بەرامبەر یەکتری کردووە و یانە کوردستانیەکە خاوەنی 6 بردنەوە و 4 دۆڕان و 4 بەرامبەربونە. هەروەها دهۆک 6 جار لە یاریگای خۆی میوانداری کارەبای کردووە و لە 4 یاریی براوە بووە و لە یارییەک دۆڕاوە و لە یارییەکیش بەرامبەربووە.