پاریس 200 ملیۆن یۆرۆی پێویستە بۆ گواستنەوەی دوو یاریزان
یاریگا
یانەی پاریس سانجێرمانی فەرەنسا بۆ گواستنەوەی دوو یاریزانی نوێ پێویستی بە 200 ملیۆن یۆرۆ هەیە.
رۆژنامەی وەرزشی ئاسی ئیسپانی بڵاویکردەوە، شازادەکانی فەرەنسا چاویان لە گواستنەوەی هاری کەین هێرشبەری یانەی تۆتێنهامی ئینگڵتەرا و هەروەها بێرناردۆ سیلڤا یاریزانی پۆرتوگالی یانەی مانچێستەر سیتیە.
یانەکە بۆ گواستنەوەی ئەو دوو یاریزانە پێویستی بە 200 ملیۆن یۆرۆ هەیە، هەروەها بەهۆی یاسای دارایی خاوێن دەبێت دەستبەرداری هەندێک یاریزان بێت و مووچەی بەشێکیشیان کەم بکاتەوە، چوونی مێسی و رامۆس لەو یانەیە تاوەکو رادەیەک کێشەکانی یانەکەی لە رووی یاسای دارایی خاوێن چارەسەر کردووە.
ئاس ئاماژەی بەوە کردووە، ئەوەی چاوەڕێ دەکرێت چوونی کلیان ئێمباپێیە لەو یانەیە و کارگێری یانەکەش ئامادەیە بەرامبەر 200 ملیۆن یۆرۆ دەستبەرداری ئەو یاریزانە بێت، هەروەها ئەوان چاوەڕێ ئۆفەرەکەی ریال مەدرید دەکەن، بەڵام یانە شاهانەکە هیچ دەستپێشخەریەکی نەکردووە و هەروەکو بڵێ ئەوان هەر لەسەر بڕیاری خۆیان بن و بیانەوێت وەرزی داهاتوو یاریزانەکە بێ بەرامبەر بگوازنەوە ریزەکانیان.
