بە فەرمی تۆنالی پەیوەندی بە نیوکاسڵ کرد
یاریگا –
بە فەرمی یانەی نیوکاسڵ یونایتدی ئینگلیزی گواستنەوەی ساندرۆ تۆنالی راگەیاند.
پێگەی فەرمی نیوکاسڵ یونایتد بڵاویکردووەتەوە، کە بەشێوەیەکی فەرمی ئەستێرەی پێشووی یانەی ئەیسی میلانی ئیتاڵی ساندرۆ تۆنالی، پەیوەندی بە یانەکەیان کردووە.
✍️ We are delighted to announce the signing of Sandro Tonali from @acmilan.
The 23-year-old joins the Magpies for an undisclosed fee and has agreed a contract at St. James’ Park initially until 2028.
Welcome to Newcastle United, Sandro! 🇮🇹 pic.twitter.com/BbxrNUzVNo
— Newcastle United FC (@NUFC) July 3, 2023
گرێبەستی ناوەڕاستکارە تەمەن 23 ساڵانییەکە لەگەڵ نیوکاسڵ تا ساڵی 2029 دەبێت، ساڵانەش 7 ملیۆن یۆرۆ وەک مووچە وەردەگرێت لەگەڵ 2 ملیۆنی دیکەی زیادکراو.
بەپێی مەرجێکی گرێبەستەکە، لە ئەگەری فرۆشرانی یاریزانەکە لە داهاتوودا، ئەیسی میلان %10 ئەو بڕە پارەیەی پێ دەدرێت، کە نیوکاسڵ لە بەرامبەر فرۆشتنی وەری دەگرێت.
هاوکات ساندرۆ تۆنالی بوو بە گرانبەهاترین یاریزانی ئیتاڵی لە مێژوودا کە جاری یەکەمە یاریزانێکی ئیتاڵیا بە 70 ملیۆن یۆرۆ بگوازرێتەوە یانەیەک.
Official: Sandro Tonali joins Newcastle on €70m deal with add-ons included. AC Milan will also have 10% sell-on clause. Contract until June 2029. ⚪️⚫️ #NUFC
It’s record sale for AC Milan — as Tonali becomes most expensive Italian player in the history of the game. 🇮🇹 pic.twitter.com/eloNN35dP1
— Fabrizio Romano (@FabrizioRomano) July 3, 2023
تۆنالی تەمەن 23 ساڵان سێ وەرزە بە درێسی میلان یاری دەکات، 130 یاری بە درێسی یانەکەی کردووە، 7 گۆڵی کردووە و 13 گۆڵیشی درووستکردووە.
هەروەها لە وەرزی 2021/2022 نازناوی سێریا ئەی لەگەڵ یانە ئیتاڵییەکە بەدەستهێنا.
