نەسری سعودی سادیۆ مانێی دەوێت
یاریگا –
یانەی نەسری سعودی لە دوایین بابەتی گواستنەوەی هاوینەدا بە دوای واژووی ئەستێرەکەی بایرن میونشنەوەیە.
بەپێی هواڵی سوڵتان عوتەیبی رۆژنامەنووسی دیاری سعوودی، سادیۆ مانێ، یاریزانی باڵی بایرن میونشن لەگەڵ یانەی نەسر لە گفتوگۆ دایە لەسەر گواستنەوەی لە بۆندسلیگاوە بۆ رۆژهەڵاتی ناوەڕاست لەم هاوینەدا.
مانێ لە ماوەی یاریکردنی لە لیڤەرپوول لە نێوان ساڵانی 2016 بۆ 2022 وەک یەکێک لە باشترین هێرشبەرەکانی جیهان ناسێندرا. لە 269 یاریدا لەگەڵ یانەی لیڤەرپوول 120 گۆڵی تۆمارکردووە و 48 ئەسیستیشی کردووە و چەندین نازناوی بەدەستهێناوە، لەنێویاندا نازناوی پریمەرلیگ و چامپیۆنزلیگ.
یاریزانە تەمەن 31 ساڵەکە هاوینی رابردوو پەیوەندی بە یانەی بایرن میونشنەوە کرد و گرێبەستێکی سێ ساڵە بە بەهای 32 ملیۆن یۆرۆ واژوو کرد. سەرەڕای ئەوەی لە یەکەم وەرزیدا لەگەڵ یانەکەدا نازناوی بۆندسلیگای بەدەستهێنا، بەڵام هێرشبەرەکە نەیتوانی وەک پێویست بدرەوشێتەوە.
وەرزی رابردوو مانێ تەنها 12 گۆڵی تۆمارکرد و 6 ئەسیستیشی لە 38 یاریدا لە سەرجەم پاڵەوانێتییەکان تۆمارکرد. بەهۆی کێشەی پێکانەوە بەردەوام لە پێکهاتەی سەرەکی نەیتوانی ئامادە بێت.
هەرچەندە یانەی باڤارییەکان دەیانەوێت مانێ بە نرخێکی زۆر بفرۆشنە یانە سعودییەکە، بەڵام مانێ ئامانجی مانەوەیە لە بایرن میونشن بۆ سەلماندنی بەهای خۆی، بەڵام پێشتر باس لە ئەگەری گواستنەوەی بۆ یانەی نەسر و یاری کردن لەگەڵ کریستیانۆ رۆناڵدۆ کراوە.
یانەی نەسر کە لە وەرزی زستاندا سەرکەوتوو بوو لە گواستنەوە کریستیانۆ رۆناڵدۆ، توانی لەم هەفتەیەدا لە میانەی دانوستانە چڕەکانی لەگەڵ ئینتەرمیلان توانی گرێبەست لەگەڵ مارسێلۆ برۆزۆڤیچ بکات، بەم نزیکانەش ئەم گواستنەوەیە فەرمی دەبێت.
Al Nassr 🇸🇦 are in talks with Sadio Mané [@SultanALotaibi0] pic.twitter.com/RinccmMtXy
— Bayern & Germany (@iMiaSanMia) July 2, 2023
