کلۆیڤێرت خەڵاتی باڵۆن دۆر بە شایستەی مێسی نازانێت

یاریگا

پاتریک کلۆیڤێرت یاریزانی هۆڵەندی پێشووی یانەی بارسێلۆنا لیۆنێل مێسی بە شایستەی خەڵاتی باڵۆن دۆری ساڵی 2023 نازانێت.

لە دیمانەیەکدا لەگەڵ ماڵپەری سپۆرت کێدا یاریزانەکەی پێشووی بلاوگرانا پێیوایە هەر یەکە لە کلیان ئێمباپێ و ڤینیسیۆس جونیۆر و هەروەها کلیان ئێمباپێ شایستەی بردنەوەی خەڵاتی باڵۆن دۆری ئەمساڵن.

بڕیارە رۆژی 30 ئۆکتۆبەری ئەمساڵ لەلایەن گۆڤاری فرانس فتبۆلی فەرەنسی خەڵاتی باڵۆن لە مەڕاسیمێکدا پیشکەش بە براوەی بکرێت.

مێسی خاوەنی حەوت خەڵاتی باڵۆن بەهۆی بەدەستهێنانی ناسناوی مۆندیالی 2022 یەکێک لە پاڵێوراوانە بۆ بەدەست هێنانی خەڵاتەکە.