یاریگا –
تۆنی كرووس، ناوەڕاستكاری ئەڵمانی یانەی ریال مەدریدی ئیسپانی باس لە ئەگەری وازهێنانی لە یاریكردن لە دوای كۆتاییهاتنی سەردەمی خۆی لەگەڵ یانە شاهانەكە دەكات.
كرووس لە گواستنەوەكانی هاوینەدا گرێبەستەكەی لەگەڵ ریال مەدرید بۆ ماوەی وەرزێكی دیكە و تا كۆتایی وەرزی 2023/23 نوێ كردەوە.
لە چاوپێكەوتنێكی تەلەفزیۆنیدا ئەستێرەكەی مەدرید باس لە ئەگەری وازهێنانی لە یاریكردن دەكات دوای كۆتاییهاتنی گرێبەستەكەی لەگەڵ ریال مەدرید.
When you bag a stoppage-time stunner at the #WorldCup 🙌@ToniKroos
👀 TV listings 👉 https://t.co/xliHcxWvEO
📺 Highlights 👉 https://t.co/LOdKDX2Cwn pic.twitter.com/3WEnY29nGz— FIFA World Cup (@FIFAWorldCup) June 23, 2018
كرووس لە لێدوانەكانیدا ووتی: یەك دوو نموونەی نەرێنی هەیە، من نامەوێت واز لە تۆپی پێ بێنم کاتێك ئەو یاریزانە نیم کە خەڵك لە بیریاندایە، نامەوێت ئەوەم بەسەر بێت.
ئەستێرەكەی مێرینگی ووتیشی: دەمەوێت لە ئاستێکی زۆر باشدا وازبێنم، هەستێکم هەیە كە وەرزی داهاتوو ئاستێکی نایاب پێشکەش دەکەم، وەک چۆن ساڵانی پێشوو لەگەڵ ریال مەدرید ئەنجاممدا، ئێستاش چێژ لە تۆپی پێ وەردەگرم و برسی نازناوەکانم.
ناوەڕاستكارە ئەڵمانییەكە بە پێكەنینەوە ووتی: خێزانەكەم رێگەی پێدام بۆ ماوەی وەرزێكی دیكەش لەگەڵ ریال مەدرید بەردەوام بم.
كرووس لە هاوینی 2014 لە ریزەكانی بایرن میونشنەوە بە بڕی 25 ملیۆن یۆرۆ پەیوەندی بە مەدریدەوە كرد.
لەگەڵ یانە شاهانەكە بەشداری لە 417 یاریدا كردووە، 27 گۆڵی كردووە و 89 گۆڵیشی درووست كردووە و توانیویەتی 20 نازناو بباتەوە.
