یاریگا –
یانەی لیڤەرپوولی ئینگلیزی بەشێوەیەكی فەرمی گرێبەستی گۆڵپارێزی یانەكەی ئادریانی بۆ ماوەی وەرزێكی دیكە نوێ كردەوە.
گرێبەستەكەی ئادریان لەگەڵ رێدز لە هاوینی ئەمساڵدا بەسەردەچوو، یانە ئینگلیزیەكە بۆ ماوەی وەرزێكی دیكەش گرێبەستەكەیان نوێ كردەوە.
هەژماری فەرمی لیڤەرپوول لە تۆڕی كۆمەڵایەتی تویتەر بەیاننامەیەكی بڵاوكردەوە قتێیدا نوێكردنەوەی گرێبەستی ئادریانی بۆ وەرزێكی دیكە و تا ساڵی 2023/24 نوێ كردەوە.
Adrian has signed a contract extension that will see him remain with the Reds for the 2023-24 season. ⤵
— Liverpool FC (@LFC) June 30, 2023
لە دوای نوێكردنەوەی گرێبەستەكەی گۆڵپارێزەكەی رێدز ووتی: ”جێگای شانازییە بۆ من، زۆر دڵخۆشم كە بۆ ماوەی وەرزێكی دیكەش بەشێك بم لەم یانەیە”.
ئادریان گۆڵپارێزی سێیەمی لیڤەرپوولە لە دوای هەریەك لە ئالیسۆن بیكەر گۆڵپارێزی یەكەمی یانەكە و كیلهێر گۆڵپارێزی دووەم.
گۆڵپارێزە ئیسپانیەكە لە هاوینی 2019 لە ریزەكانی وێستهامەوە پەیوەندی بە رێدزەوە كرد و لەگەڵ ئەو یانەیە بەشداری لە 26 یاریدا كردووە.
