یاریگا –
لیڤەرپوول یەکەم یانە بوو، درێسی وەرزی داهاتووی ئاشکرا کرد، ئێستا کۆمپانیای نایکی درێسەکانی دووەم و سێیەمی وەرزی داهاتووی خستەبازاڕەوە.
درێسی دووەمی لیڤەرپوول ئیلهامی لە درێسی دووەمی وەرزی 1995-96 وەرگرتووە، ئەو کاتەی ئایان راش کاپتن بوو و رۆبی فاولەریش، گۆڵکاری رێدز بوو. رەنگە سپی و سەوزەکە بە فرێشی لە درێسە کلاسیکییەکە وەرگیراوە.
درێسەکە بە رەنگە سپی و سەوزە چوارگۆشەکە ناسراوەتەوە، بە شێوازی دیجیتاڵی ئەپدەیت کراوەتەوە و سیمایەکی نوێی پێداوە. شۆرتی درێسەکە رەشە. ناو و ژمارەکان بە رەنگی رەش نووسراونەتەوە و گۆرەوییەکانیش سپین بە هێڵی سەوز نەخش کراوە.
هاوشێوەی درێسی هەموو وەرزەکان، ژمارە 97 لەگەڵ ئاگرە هەمیشەییەکە، لە پشتی ملەوە دیزاین کراوە. ئەمەش بۆ یادکردنەوەی قوربانیانی کارەساتەکەی هیلزبڕۆ.
یەکەم یاری لیڤەرپوول بەم درێسە، بەرامبەر لێستەر سیتی دەبێت، کاتێک لە چوارچێوەی ئامادەکارییەکانی وەرزی نوێ، لە سینگاپۆر یارییەکی دۆستانە دەکەن.
نرخی درێسەکە چەندە و لە کوێ دەست دەکەوێت؟
درێسی دووەم و سێیەمی وەرزی 2023-24 لە ستۆری کۆمپانیای نایکی دەستدەکەوێت و نرخەکەی 79.95 پاوەندە.
درێسی دووەمی پیاوانی لیڤەرپوول – ڤێرژنی هاندەران
£79.95 لە ستۆری کۆمپانیای نایکیبەم قەبارانە بەردەستە XS, S, M, L, XL, 2XL, 3XL.
£124.95 لە ستۆری نایکیبەم قەبارانە بەردەستە XS, S, M, L, XL, 2XL, 3XL.
