ئینتەر میلان ئۆفەرێکی گرانبەهای مانچێستەر یونایتد رەتدەکاتەوە
یاریگا
یانەی ئینتەرمیلانی ئیتاڵیا یەکەم ئۆفەری مانچستەر یونایتدی رەتکردەوە کە بۆ گواستنەوەی ئاندرێ ئۆنانا گۆڵپارێزی یانەکەیان پێشکەشکرابوو.
شەیتانە سوورەکان لە مانەوەی دەیڤید دی خیا گۆڵپارێزی ئیسپانی یانەکەیان بێ هیوان، بۆیە دەیانەوێت شوێنگرەوەیەک بگوازنەوە و ئامانجی یەکەمیشیان گۆڵپارێزی کامیرۆنی یانەی ئینتەر میلانی ئیتاڵیایە و بۆ ئەم مەبەستەش ئۆفەرێکیان بەرامبەر 50 ملیۆن یۆرۆ پێشکەشی یانە ئیتاڵیەکە کردووە.
کەناڵی سپۆرت ئیتاڵیا بڵاویکردەوە نێرازۆری ئۆفەرەکەی شەیتانە سوورەکانی رەتکردووەتەوە و ئەوان پێیانوایە ئەم ئۆفەرە بەس نیە بۆ یەکێک لە کاریگەرترین یاریزانەکانی یانەکەیان.
ئۆنانا هاوینی ڕابردوو بێ بەرامبەر پەیوەندی بە ئینتەرمیلان کرد، دوای ئەوەی گرێبەستەکەی لەگەڵ یانەی ئەیاکسی هۆڵەندی کۆتایی هات.
بەپێی زانیارییەکان کارگێریئینتەرمیلان دەیەوێت زیاتر لە 50 ملیۆن یۆرۆ بەدەستبهێنێت جگە لە پاداشت، بە پێچەوانەوە ئەستەمەی رێگە بە چوونی گۆڵپارێزەکەیان بدەن.
