مۆرینیۆ ئۆفەرێكی گەورەی یانەیەكی سعودی رەتكردەوە
یاریگا –
جۆزێ مۆرینیۆ، راهێنەری پۆرتوگالیی یانەی رۆمای ئیتاڵی ئۆفەرێكی گەورەی هیلالی سعودی بۆ وەرگرتنی پۆستی راهێنەرایەتیكردنی یانەكەی رەتكردەوە.
لە دوای كۆتاییهاتنی وەرز رامۆن دیاز راهێنەری پێشووی هیلال ریزەكانی یانە سعودیەكەی جێهێشت.
فابریزیۆ رۆمانۆ، رۆژنامەنووسی باوەڕپێكراوی ئیتاڵی لە هەژماری تایبەتی خۆی بڵاویكردەوە، جۆزێ مۆرینیۆ ئۆفەرێكی لە یانەی هیلالی سعودی پێگەیشت بە موچەی ساڵانەی 30 ملیۆن یۆرۆ.
Understand Saudi side Al Hilal sent huge contract proposal to José Mourinho earlier this month, before approaching Allegri. 🚨🔵🇸🇦 #AlHilal
Official proposal sent: €30m per season net salary.
José Mourinho turned down the bid — as he’s only focused on AS Roma project. pic.twitter.com/1tION8dpCZ
— Fabrizio Romano (@FabrizioRomano) June 29, 2023
ئەوەشی ئاشكراكردووە، مۆرینیۆ هەر زوو ئۆفەرەكەی هیلالی رەتكردووەتەوە بە بێ بیركردنەوە، دەیەوێت بەردەوام بێت لە رۆما.
لە دوای رەتكردنەوەی ئۆفەرەكەی هیلال لەلایەن مۆرینیۆوە، یانە سعودیەكە ئۆفەرێك پێشكەش بە ماسیمیلیانۆ ئالێگری راهێنەری یوڤێنتوس دەكات.
هیلال لە گواستنەوەكانی هاوینەدا هەریەك لە یاریزانان رۆبن نێڤێش و كالیدۆ كۆلیبالی گواستووەتەوە ریزەكانی یانەكەی.
