گرینوود داهاتووی نادیارە لەگەل مانچێستەر یونایتد
یاریگا
یانەی مانچستەر یونایتدی ئینگڵتەرا دوێنی ئەو درێسانەی کە ناوی ماسۆن گرینوودیان لەسەر چاپکراوە لە پێگەی فەرمی خۆی دانەناوە.
داهاتووی یاریزانەکە لە ئۆڵدترافۆرد تا ئێستا نادیارە سەرەڕای ئەوەی لە مانگی شوباتی 2023 تۆمەتەکانی دەستدرێژیکردنە سەر ئافرەتێک لەلایەن داواکاری گشتییەوە رەتکرایەوە.
ئەو یاریزانە ئینگلیزیە لە رۆژی 22 سەرەتای ساڵی 2022ەوە یاری بۆ شەیتانە سوورەکان نەکردووە، بەڵام لە کۆتایی وەرزی ڕابردوودا ناوی لە لیستی یانەکەیدا مایەوە و ئەمەش وایکرد کە قسە و باسی زۆری لەسەر بکرێت و بەم دواییەش لەگەڵ هاوڕێکانی لە یانەکەی راهێنانی کرد.
گرینوۆد بەهۆی ئەو تۆمەتانە لەو کاتەوە هیچ مووچەیەکی پێنەدراوە ، بەڵام گرینوودی ژمارە 11 هێشتا وەک خۆی ماوەتەوە سەرەڕای ئەوەی 18 مانگە یاری بۆ یانەکە نەکردووە.
باس لەوەش کراوە کە داهاتووی گرینوود لە شوێنێکی تردایە، هەواڵەکان باس لەوە دەکەن کە تا کۆتایی گرێبەستەکەی بە خواستن لە ئۆڵدترافۆرد دوور بکەوێتەوە.
گرینوود گرێبەستەکەی لەگەڵ شەیتانە سوورەکان لە هاوینی 2025 کۆتایی دێت، لە کاتێکدا یانەکەی هێشتا بیر لەوە دەکاتەوە کە چی لەو یاریزانە بکات و رەنگە ئەم هاوینە بە شێوەی خواستن پێشکەش یانەیەکی دیکە بکرێت.
