یوێفا پاداشتی چامپیۆنزلیگ بڵاودەکاتەوە

یاریگا

یانەی ئینتەرمیلانی ئیتاڵیا بە بۆنەی گەیشتن بە یاری کۆتایی چامپیۆنزلیگ نزیکەی 22 ملیۆن یۆرۆ وەکو پاداشتی وەرزی رابردوو لە یوێفا وەردەگرێت.

یانەی ئینتەرمیلان کۆتایی بە چاوەڕوانی ساڵانێک لە چامپیۆنزلیگ هێنا و توانی سەرکەوێت بۆ یاری کۆتایی ئەم پاڵەوانێتییە. ئەم تیپە لە یاری کۆتاییدا بە ئەنجامی 1-0 بەرامبەر مان سیتی دۆڕا و نەیتوانی نازناوەکە بەدەستبهێنێت، بەڵام سەرەڕای ئەمەش 22 ملیۆن یۆرۆ بەدەست دێنێت.

ئەمڕۆ یوفا بڕیارە پاداشتی ئەو تیپانەی وەرزی پێشووی چامپیۆنزلیگ بەشدارییان کردووە بە پشتبەستن بە ڕێژەی سەرکەوتنی هەریەکەیان بدات. تۆتۆ مێرکاتۆ کۆی پشکی 4 نوێنەری ئیتاڵیا بە 34.38 ملیۆن یۆرۆ ڕاگەیاند.

بەپێی یاساکانی یەکێتی تۆپی پێی ئەوروپا، ئینتەرمیلان 15 ملیۆن و 50 هەزار یۆرۆ بۆ سەرکەوتن بۆ یاری کۆتایی و 6.3 ملیۆن یۆرۆ بۆ بەدەستهێنانی پلەی دووەم وەردەگرێت. بەم شێوەیە تیپەکەی سیمۆنێ ئینزاگی بە کۆی گشتی 21.28 ملیۆن یۆرۆیان دەستدەکەوێت.

کۆی گشتی پشکی 3 تیپی دیکەی ئیتاڵی کە لە وەرزی پێشووی UCL ئامادەبوون لە پاداشتی UEFA نیوەی پشکی ئینتەرە. میلان 5.85 ملیۆن یۆرۆ و ناپۆلی 4.88 ملیۆن یۆرۆ و یوڤێنتوس 2.3 ملیۆن یۆرۆ لە یوێفا وەردەگرن.