چۆن و لە کام کەناڵ سەیری رۆناڵدۆ یارییەکان نەسر بکەین؟
یاریگا –
ئیتر کریستیانۆ رۆناڵدۆ و نەسر، سەرنجێکی زۆریان لەسەر دەبێت و هەوادارانی وەرزشی لە هەموو وڵاتێک سەیری یارییەکانی دەکەن.
کریستیانۆ رۆناڵدۆ لە سەرەتای ئەمساڵ ئەوروپای جێهێشت و ئەوکات روونیکردەوە، ئەرکەکەی لەو کیشوەرە کۆتاییهات و پەیوەندی بە نەسرەوە کرد، لەو ساتەوە یانەکەی ریازی پایتەخت، سەرنجی میدیا گەورەکانی راکێشا و هەر ئەمە وایکردووە، چەندین ئەستێرەی خولە گەورەکانی ئەوروپا، روو بکەنە یانەکانی خولی سعودی.
ئەگەر تۆش یەکێکی لە هەوادارانی کریستیانۆ رۆناڵدۆ، ئەوا تۆڕی وەرزشی یاریگا لەم بابەتەدا، تەواوی وردەکارییەکانت بۆ رووندەکاتەوە.
لە کام کەناڵ سەیری یارییەکانی رۆناڵدۆ و نەسر دەکرێت؟
چەندین لینکی پەیوەندیدار بۆ ئێوە فەراهەم کراوە و لەکاتی کرتە کردن لەسەری، دەتانگوازێتەوە شوێنی بەشداریکردن لەو کەناڵانەی دەتانەوێت، تۆڕی وەرزشی یاریگا هیچ قازانجێکی تێدا نییە
| وڵات | کەناڵ – ستریمینگ |
|---|---|
| ویلایەتە یەکگرتووەکانی ئەمریکا | ESPN |
| بەریتانیا | Sky Sports – سکای سپۆرتس |
| ئیتاڵیا | SportItalia – سپۆرت ئیتاڵیا |
| پۆرتوگال | Sport TV – سپۆرت تیڤی |
| فەرەنسا | L’Equipe – لیکیپ |
| رۆژهەڵاتی ناوەڕاست | SSC – ئێس ئێس سی |
| نێودەوڵەتی | Shahid – شاهد |
لە دوای گواستنەوەی ئەستێرە پۆرتوگالییەکە، نەسر گرێبەستی لەگەڵ چەند کەناڵێکی نێودەوڵەتی کرد، ئەمەش بۆ گەیاندنی رۆناڵدۆ بۆ شاشەی هەموو ماڵێک.
لە ویلایەتە یەکگرتووەکانی ئەمریکا، ESPN یارییە گرنگەکانی نەسر دەگوازێتەوە و لە بەریتانیاش، سکای سپۆرت تەواوی یارییەکان لە چەناڵی فەرمی خۆی لە یوتیوب دەگوازێتەوە.
کۆمپانیای وەرزشی سعودی (SSC) مافی گواستنەوە تەواوی یارییەکانی خولی رۆشنی سعودی، جامی سوپەر و جامی شا لە رۆژهەڵاتی ناوەڕاست وەرگرتووە.
ئەگەر لە شوێنێکی دیکەی جیهانیت، دەتوانیت لە رێگەی ئەپلیکەیشن و وێبستایتی ستریمی شاهد یارییەکان ببینت، دەتوانیت لەڕێگەی وێبسایتەکەیانەوە، سەبسکرایب بکەیت. پاکێجێکی VIP هەیە کە نرخی مانگانەی بریتییە لە 18 دۆلار، دەتوانیت تەواوی یارییەکانی خولی سعودی ببینیت.
لە دوای تەواوبوونی یارییەکانیش، لە یوتیوبی فەرمی نەسر، کورتکراوەی یارییەکان بڵاودەکرێنەوە.
یارییەکانی ئامادەکاری نەسر
بۆ ئەوەی ئاگاداری یارییەکانی نەسر و ئامادەکارییەکانی وەرزی داهاتوو بیت، لە خوارەوە یارییە ئامادەکارییەکان و پاڵاوتنەکانی چامپیۆنزلیگی ئاسیا ببە
تێبینی: رەنگە کاتی یارییەکان گۆڕانکارییان بەسەردا بێت
| رێککەوت | یاری | پاڵەوانیەتی | کات |
|---|---|---|---|
| 17 تەمموز | سێلتا ڤیگۆ vs نەسر | یاری دۆستانە | دیاری نەکراوە |
| 20 تەمموز | نەسر vs بێنفیکا | یاری دۆستانە | دیاری نەکراوە |
| 25 تەمموز | پاریس vs نەسر | یاری دۆستانە | 20:20PM |
| 27 تەمموز | ئینتەر vs نەسر | یاری دۆستانە | دیاری نەکراوە |
| 28 تەمموز | نەسر vs شەباب | جامی یانەکانی عەرەب | 22:00PM |
| 31 تەمموز | موناستیر vs نەسر | جامی یانەکانی عەرەب | 22:00PM |
| 3 ئاب | زەمالک vs نەسر | جامی یانەکانی عەرەب | 18:00PM |
| 22 ئاب | نەسر vs (دیاری نەکراوە) | پاڵاوتنەکانی چامپیۆنزلیگی ئاسیا | دیاری نەکراوە |
گرێبەستی کریستیانۆ رۆناڵدۆ لە هاوینی ساڵی 2025 لەگەڵ نەسر بەسەردەچێت، بۆیە پێشبینی دەکرێت بەشداری لە یارییەکانی خولی چامپیۆنزلیگی وەرزی داهاتوودا بکات.
