ئەهلی سعودی ئەستێرەیەكی رۆمای دەوێت
یاریگا –
راپۆرتە رۆژنامەوانیەكانی ئیتاڵیا ئاشكرایانكرد، یانەی ئەهلی سعودی دەیەوێت گرێبەست لەگەڵ لیۆناردۆ سپینازۆلا ئەستێرەی هەڵبژاردەی ئیتاڵیا و یانەی رۆما واژۆ بكات.
ئەهلی هاوشێوەی یانەكانی دیكەی خولی رۆشەنی دەیەوێت ریزەكانی یانەكەی پتەو بكات و كێبڕكێ لەسەر بەدەستهێنانی نازناوەكانی وەرزی داهاتوو بكات.
🎂 Spinazzola compie 30 anni! 🎁
Tanti auguri, Leo! 💛❤️#ASRoma pic.twitter.com/JOnUx4oaT3
— AS Roma (@OfficialASRoma) March 25, 2023
تۆڕی سكای سپۆرت ئاشكرایكرد یانەی ئەهلی سعودی بە بەهێزی دەڕوات بۆ گواستنەوەی سپینازۆلا لە ماوەی گواستنەوەكانی هاوینەدا.
لە راپۆرتەكەشدا هاتووە یانەی رۆما رێگری ناكەن لە رۆیشتنی سپینازۆلا و ئامادەن دەستبەرداری یاریزانەكە ببن.
ئاماژە بەوەشكراوە، گورگەكانی رۆما بۆ دەستبەرداربوون لە بەرگریكارەكەی باڵی چەپ داوای ئەو بڕە پارەیە دەكەن كە لە گواستنەوەیدا خەرجیانكردووە.
لە ساڵی 2019 سپینازۆلای تەمەن 30 ساڵان بە بری 30 ملیۆن یۆرۆ پەیوەندی بە رۆماوە كرد.
ئەهلی لە گواستنەوەكانی هاوینەدا سەركەوتوو بووە لە گواستنەوەی ئێدوارد مێندی گۆڵپارێزی پێشووی یانەی چێڵسی ئینگلیزی.
