جوانترین گۆڵی وەرزی رابردووی لیڤەرپوول دیاریکرا

یاریگا

محەمەد سەڵاح هێرشبەری مسڕی یانەی لیڤەرپوولی ئینگڵتەرا خەڵاتی جوانترین گۆڵی وەرزی 2022-2023 یانەکەی بردەوە.

هەژمارەی فەرمی یانەی لیڤەرپوولی ئینگڵتەرا لە تۆڕی کۆمەڵایەتی تویتەر جوانترین گۆڵی وەرزی رابردووی یانەکەیان بڵاوکردەوە و محەمەد سەڵاح هێرشبەری مسڕی ئەو یانەیە خەڵاتەکەی بردەوە و بوو بە خاوەنی جوانترین گۆڵ.

گۆڵەکەی هێرشبەرە مسڕیەکەی رێدز بەرامبەر مانچێستەر سیتی لە پرێمەرلیگ خەڵاتەکەی بردەوە، ئەو گۆڵەی کە ئالیسۆن بێکەری گۆڵپارێزی ئاسیستی کرد و هێرشبەرەکەی ئەو یانەیەش گۆڵی کرد.

هەژمارەی فەرمی رێدز 13 گۆڵی دیاریکرد و لە نێوان ئەو گۆڵانەش گۆڵەکەی سەڵاح زۆرترین دەنگی هاندەرانی بەدەستهێنا و وەکو جوانترین گۆڵی وەرزی رابردوو دیاریکرا. بۆ بینینی گۆڵەکان کلیک لێرە بکە.