بە فەرمی لوکا مۆدریچ گرێبەستەکەی نوێکردەوە
یاریگا –
بە فەرمی لوکا مۆدریچی کڕواتی گرێبەستەکەی لەگەل ریال مەدرید نوێکردەوە.
کەمێک لەمەوبەر پێگەی فەرمی ریال مەدید بڵاویکردەوە، گەیشتوونەتە رێککەوتن لەگەڵ لوکا مۆدرچ بۆ نوێکردنەوەی گرێبەستی یاریزانە کڕواتییەکە تا 30ـی حوزەیرانی ساڵی 2024.
سعودیەکان چاویان لە تواناکانی لوکا بوو، ناوبراو گرێبەستێکی زەبەلاحی هیلالی رەتکردەوە لە پێناو مانەوە لە ریال مەدرید.
🎩 Todavía nos queda MAESTRO para rato…@lukamodric10 | #Modrić2024 pic.twitter.com/kIzZyBCs84
— Real Madrid C.F. (@realmadrid) June 26, 2023
مۆدریچ 11 وەرزە بە درێسی ریال مەدرید یاری دەکات، 488 یاری کردووە، خاوەنی 37 گۆڵ و 77 ئەسیستیشە بە درێسی یانەکەی.
توانیوییەتی 5 نازناوی چامپیۆنزلیگ، 5 نازناوی جامی جیهانی یانەکان، 3 نازناوی لالیگا، 4 نازناوی جامی سوپەری ئەوروپا، 2 نازناوی جامی شای ئیسپانیا و 4 نازناوی جامی سوپەری ئیسپانیا لەگەڵ مێرێنگی بەدەستبهێنێت.
هاوکات هەر لەگەڵ ریال مەدرید توانیوییەتی خەڵاتێکی باڵۆندۆر و خەڵاتێکی زە بێت و خەڵاتێکی باشترین یاریزانی ئەوروپاش بەدەستبهێنێت.
