مانچێستەر یونایتد 100 ملیۆن لە داهاتی 13 یاریزان دەستدەکەوێت
یاریگا
یانەی مانچێستەر یونایتدی ئینگڵتەرا ئەم هاوینە دەیەوێت دەست بۆ چاکسازیەکی گەورە ببات و دەستبەرداری بەشێک لە یاریزانەکانی بێت، لە بەرامبەردا پارەیەکی خەیاڵیان لە داهاتی ئەو یاریزانانە دەستدەکەوێت.
رۆژنامەی دەیلی مەیلی بەریتانی بڵاویکردەوە، کارگێری شەیتانە سوورەکان بەشێک لە یاریزانەکانی ئاگادار کردووەتەوە ئەم هاوینە دەتوانن ریزەکانیان جێبێڵن و ژمارەی ئەو یاریزانانەش 13 کەسن.، بۆیە چاوەڕێ دەکرێت یانەکە پارەیەکی خەیاڵی لە چوونی ئەو یاریزانانە دەستکەوێت.
سەرچاوەکە بڵاویشی کردەوە بۆ ئەم هاوینە ئێریک تێن هاگ راهێنەری هۆڵەندی یانەکە تەنها 120 ملیۆن پاوەندی بەردەستە بۆ گواستنەوەی یاریزانی نوێ، بۆیە ئەگەر بتوانن دەستبەرداری بەشێک لە یاریزانەکانیان بن، ئەو کات دەتوانن دەستکراوەتر بن و پارەیەکی زیاتریان بۆ گواستنەوەی یاریزانان بەردەست بێت.
دەیلی مەیل زانیویەتی ئەو یاریزانانە کە ئاگادار کراونەتەوە دەتوانن یانەکەیان جێبێڵن بریتین لە جەیدن سانچؤ و ماکتۆمینای و هاری مەگوایەر ە ئانتۆنی مارسیال بەڵام ئەو یاریزانان ناچار ناکرێن یانەکەیان جێبێڵن و دەتوانن بەردەوامیش بن لەگەڵ یانەکەیان.
لەلایەکی دیکەوە دەنگۆیەکیش هەیە بەشێک لە یاریزانەکانی مان یونایتد ئۆفەریان بۆ هاتووە و کارگێری یانەکەش کار لەسەر ئەم ئۆفەرانە دەکات، جەیدن سانچۆ ئۆفەرێکی 45 ملیۆن پاوەندی بۆ هاتووە، ماگوایەر 25 ملیۆن پاوەند و مارسیال و ماکتۆمینای ئەو دوو یاریزانەش ئۆفەری 40 ملیۆن پاوەندیان بۆ هاتووە.
بەم شێوەیە مانچێستەر یونایتد ئەگەر بتوانێت ئەم هاوینە دەستبەرداری ئەو 13 یاریزانە بێت کە پێویستیان پێیان نیە، دەتوانن نزیکەی 100 ملیۆن پاوەند لە فرۆشتنیان دەستکەوێت.
