سانجێرمان دوا هەوڵ بۆ رازیکردن ئێمباپێ دەدات
یاریگا
یانەی پاریس سانجێرمانی فەرەنسا دەیەوێت لویس ئێنریکی وەک راهێنەری یانەکەی دەست نیشان بکات هەوڵیش دەدات ئەو ڕاهێنەرە ببێتە هۆکارێکی مانەوەی کیلیان ئێمباپێ.
چیرۆکی چوونی کیلیان ئێمباپێ بووەتە زنجیرەیەکی تەلەفزیۆنی کە بینەران لە دۆخێکی چەقبەستوودا دەهێڵێتەوە، بەڵام هەرگیز کۆتایی نایەت. هاوینێکی تر هات و ئەم ئەستێرە فەرەنسییە جارێکی تر بوو بە یەکێک لە ئەکتەرە سەرەکییەکانی گواستنەوەی هاوینە.
رۆژنامەی لیکیپی فەرەنسی بڵاویکردەوە، شازادەکان زۆر هەوڵیانداوە بۆ ئەوەی گۆڵکارەکەیان رازی بە مانەوە بکەن، بەڵام هەموو هەوڵەکان بێ سوود بونە، بەم دواییەش هەوڵێک هەیە کە لویس ئێنریکێ بەکار بێنن بۆ ئەوەی یاریزانەکەیان رازی بکەن.
سەرچاوەکە بڵاویشی کردەوە زۆر ئەستەمە ئەو یاریزانە رازی بە مانەوە بێت، ؛لەبەر ئەوەی ئێمباپێ هەموو ئاواتی ئەوەیە یاریی بۆ ریال مەدرید بکات و دەیەوێت ئەم هاوینە یاخود هاوینی داهاتوو یانەکەی جێبێڵێت و پەیوەندی بە یانە ئیسپانیەکەوە بکات.
