یاریگا –
نێیمار دا سیلڤا رەنگە بە بڕی یەک ملیۆن دۆلار پێپژاردن بداتە حکومەتی بەرازیل،
دەزگاکانی ئەمنی بەرازیل، کارەکانی بونیادنانی لە ڤێلا گەورەکەی نێیمار دا سیلڤا لە ریۆ دی جانێرۆ راگرت، ئەمەش بە هۆی پێشێلکردنی ژینگەی ناوچەکە.
ڤێلا زەبەلاحەکەی سوپەر ستاری پاریس سانجێرمان دەکەوێت شاری مانگاراتیبا، باشووری ریۆ دی جانێرۆ.
نێیمار دا سیلڤا سانتۆس، باوکی نێیمار لە کاتی هەڵکوتانی پۆلیس لە شوێنی کارکردن بوو و کەوتە دەمەقاڵی لەگەڵ بەرپرسەکان، تەنانەت هەڕەشەی دەستگیرکردنی لێکرا، ئەگەر بێ دەنگ نەبێت.
➡ Pai de Neymar recebe voz de prisão durante fiscalização em mansão
A secretária Shayenne Barreto do município de Mangaratiba teria sido desacatada pelo pai de Neymar e lhe deu voz de prisão
Leia: https://t.co/Gm6wntD4cT pic.twitter.com/QWIIiBa5im
— Metrópoles (@Metropoles) June 22, 2023
دەزگاکانی ئەمنی دەڵێن، لە کاتی دروستکردنی ڤێلاکەدا، دەستکاری سەرچاوەکانی ئاوی ناوچەکە و بەرد و خۆڵ کراوە، تەنانەت لمێکی زۆری لە کەناری دەریا گواستوەتەوە شوێنی دروستکردنی ڤێلا گەورەکە، ئەمەش پێچەوانەی یاساکانی ژینگەی بەرازیلە و رەنگە بەبڕی یەک ملیۆن دۆلار سزا بدرێت.
نێیمار لە ساڵی 2016 زەوییەکی بە رووبەری 10 دۆنم کڕی، تاوەکو خانووێکی گەورە بۆ خێزانەکەی دروست بکات، بەڵام بە هۆی پێشێلکردنی یاساکانی ژینگەیی، کارەکان لەلایەن پۆلیسی ریۆ وەستێندراوە.
