مانچێستەر سیتی رێگە بە چوونە دەرەوەی سیلڤا نادات
یاریگا –
مانچێستەر سیتی هەوڵەکانی بۆ رازیکردنی بێرناردۆ سیلڤا دەستپێکردووە.
رۆژنامەی تایمز بڵاویکردووەتەوە، مانچێستەر سیتی ئۆفەرێکی نوێی پێشکەش بە بێرناردۆ کردووە، تاوەکو گرێبەستەکەی نوێ بکاتەوە. چونکە یانەکانی سعودیە بە جدی هەوڵی گواستنەوەی ئەستێرە پۆرتوگالییەکە دەدەن.
Manchester City have offered to improve Bernardo Silva’s contract in an attempt to retain the services of the Portugal international https://t.co/6wcoAdiUCG
— Times Sport (@TimesSport) June 24, 2023
گرێبەستی سیلڤا لە هاوینی ساڵی 2025 بەسەردەچێت و هیلال دەیەوێت بیگوازێتەوە خولی رۆشنی سعودیە، هەرچەندە رکابەری لەگەڵ یانەکانی پاریس سانجێرمان و بارسێلۆنا دەکات.
یاریزانە 28 ساڵییەکە پێشتر ویستی جێهێشتنی مانچێستەر سیتی راگەیاندبوو و دەیەوێت کاروانێکی نوێ دەست پێبکات. ئەمەش دوای بەدەستهێنانی تەواوی نازناوەکان لەگەڵ سیتیزنز.
بێرناردۆ لە هاوینی 2017 لە مۆناکۆی فەرەنسییەوە پەیوەندی بە سیتی کرد. ئەستێرە پۆرتوگالییەکە لە وەرزی رابردوودا بەشداری لە 55 یاریدا کرد و تیایدا حەوت گۆڵی کرد و هەش گۆڵیشی دروستکرد.
