یاریگا –
لیۆنێل مێسی بە هەگبەیەکی پڕ لە ئەزموون و سەربووردە پەیوەندی بە ئینتەر مەیامییەوە دەکات.
کۆمپانیای پریمۆ ئینتەرتەیمێنت خەریکی ئامادەکردن ئەزموونێکی نوێیە بۆ پیشاندانی کاروانی وەرزشی لیۆنێل مێسی لە منداڵییەوە لە رۆزاریۆ تاوەکو گەیشتنی بە خولی ئەمریکی.
کۆمپانیاکە خەریکی دوا ئامادەکارییەکانە و کارێکی داهێناوە بە ناوی ‘ئەزموونی مێسی’ , ‘Messi Experience’. داهێنانێکی ئینتەرئاکتیڤە و لە رێگە ڤیدیۆ و وێنەوە دەتباتە سەربووردەیەکی ناوازەی نێو ژیانی لیۆ مێسی، لە منداڵییەوە لەگەڵ خەونەکانی دەژیت.
بینەرانی ئینتەرئاکتیڤەکە ئەو کەسانە دەبینن و دەناسن کە لە منداڵییەوە پاڵپشتی مێسییان کردووە. پاڵەوانی جیهان بە شێوەی 3D لەگەڵ تۆ دەبێت و تەنانەت هەست بە زۆربەی گۆڵەکان دەکەیت، ئەمیش لەڕێگەی دروستکردنی تۆپێکی دیجیتاڵی.
لیۆ مێسی لە بارەی پڕۆژەکەوە روونیکردەوە
زۆر دڵخۆشم بە بوونم بە بەشێک لەم پڕۆژەیەکە کە رێگە بە هاندەران دەدات لە نزیکەوە کاروانی وەرزشی من ببینن. بەردەوام حەزم کردووە ببم پاڵنەر بۆ خەڵک، چونکە زۆر تۆپی پێم خۆش دەوێت.
سەرەتا هاندەران و هەوادارانی لیۆ مێسی لە ویلایەتە یەکگرتووەکانی ئەمریکا دەتوانن بەشداری لەم کاروانە دیجیتاڵییەی مێسیدا بکەن و دواتر بۆ ئەوروپا و ئەمریکای لاتین دەگوازرێتەوە.
پێشبینی دەکرێت لە ماوەی داهاتوودا، لیۆنێل مێسی بە فەرمی لە ئینتەر مەیامی بە هاندەران بناسێندرێت.
