بەرگریکارێکی مانچێستەر یونایتد پەیوەندی بە بارسێلۆنا دەکات

یاریگا

ئۆنا باتلی بەرگریکاری ئیسپانی یانەی خانمانی مانچێستەر یونایتد گرێبەستەکەی نوێ ناکرێتەوە و ریزەکانی ئەو یانەیە بەرەو بارسێلۆنا جێدێڵێت.

تۆڕی هەواڵی سکای سپۆرت بڵاویکردەوە، یانەی مانچستەر یونایتدی ئینگلیزی دووپاتیکردەوە ئۆنا باتلی خانمە بەرگریکاری یانەکە پەیوەندی بە یانەی بارسێلۆنا دەکات و لە کۆتایی مانگی حوزەیران گرێبەستەکەی لەگەڵ یانەکەیان تەواو دەبێت.

دوای ئەوەی لە هاوینی 2020 پەیوەندی بە یونایتدەوە کرد، یاریزانە ئیسپانییەکە 77 یاری ئەنجامدا و 3 گۆڵی تۆمارکرد.

لەلایەکی دیکەوە هەفتەی ڕابردوو یانەی یونایتد پشتڕاستی کردەوە کە ئەلیسیا ڕوسۆی هێرشبەریش یانەکەیان بەهەمان شێوە جێدەهێڵێت.

سکای سپۆرت نیوز زانیاری دەستکەوتووە کە پێدەچێت ڕوسۆ پەیوەندی بە ئارسناڵی ڕکابەری بکات و دانوستاکانی نێوان هەردوولا ماوەیەکە دەستیان پێکردووە.