بایرن میونشن کێبڕکێی گواستنەوەی هاڤێرتز دەکات
یاریگا
یانەی بایرن میونشنی ئەڵمانیا دەیەوێت کێبڕکێی یانەی ئارسیناڵ بکات بۆ گواستنەوەی کای هاڤێرتز هێرشبەری هەڵبژاردەی وڵاتەکەی و یانەی چێڵسی ئینگلیزی.
تۆڕی سکای سپۆرتی ئەڵمانی بڵاویکردەوە، یانە باڤارییەکە هێرشبەرەکەی بلوزی کردووەتە ئامانجی دەیەوێت کێبڕکێی لەگەڵ یانە ئینگلیزیەکە بکات بۆ گواستنەوەی، بەڵام ئەستەمە ئەم کارەی پێ بکرێت چونکە گەنەرز ئامادەیە بەرامبەر گواستنەوەی ئەو هێرشبەرە 60 بۆ 70 ملیۆن پێشکەشی بلوز بکات.
هاڤێرتز سەرەتا ئامانجی کارلۆ ئانچێلۆتی راهێنەری ئیتاڵی یانەی ریال مەدرید بوو، بەڵام زۆری نرخی یاریزانەکە وایکرد بەرپرسانی مێرنگی لە گواستنەوەی پاشگەز ببنەوە.
سکای بڵاویشی کردەوە خودی توماس توخێل راهێنەری یانە ئەڵمانیەکە داوای ئەو یاریزانەی کردووە و کارگێری یانەکەش ئامادەیە لە ئەگەری سەرنەکەوتن لە گواستنەوەی کولو موانی، ئەو یاریزانە بگوازنەوە.
