ئیتاڵیا
بایرن میونشن نزیکە لە گواستنەوەی کیم مین جای
یاریگا
ماوەیەکە بەرپرسانی یانەی بایرن میونشنی ئەڵمانی لە هەوڵی ئەوەدان بەرگریکاری هەڵبژاردەی کۆریای باشوور و یانەی ناپۆلی ئیتاڵی کیم مین جای بۆ ریزەکانیان بگوازنەوە.
فابریزیۆ رۆمانۆ رۆژنامەنوسی ئیتاڵی بڵاویکردەوە، دانوستانەکان لە نێوان هەردوولا بەردەوامن و رێکەوتنێکی سەرەتایی کراوە و چاوەڕێ دەکرێت لە چەند رۆژی داهاتوو بەرگریکارەکەی ناپۆلی پەیوەندی بە یانە باڤارییەکەوە بکات.
رۆمانۆ باسی لەوەشکردووە گرێبەستەکەی کیم مین جای لەگەڵ پاڵەوانی ئەم وەرزەی بۆندزلیگا بۆ ماوەی پێنج ساڵ واتە تاوەکو ساڵی 2028 دەبێت.
بەرگریکارەکەی هەڵبژاردەی کۆریای باشوور تاوەکو دوو ساڵی دیکە گرێبەستی لەگەڵ یانە ئیتاڵیەکە هەیە، بەڵام بایرن میونشن بەرێوەبەری کارەکانی ئەو یاریزانەی ئاگادار کردووەتە هیچ کێشەیەکیان نابێت و ئامادەن تێچووی هەڵوەشاندنەوەی گرێبەستەکەی پێشکەش بکەن.
