رودی گارسیا بە راهێنەری ناپۆلی دەستنیشانكرا

یاریگا –

یانەی ناپۆلی ئیتاڵی بەشێوەیەكی فەرمی رودی گارسیای وەك راهێنەری نوێی یانەكەی دەستنیشانكرد لە جێگای لوچیانۆ سپالێتی راهێنەری پێشوو.

لە دوای كۆتاییهاتنی یارییەكانی ئەم وەرزە، ناپۆلی رۆیشتنی سپالێتی لە پۆستی راهێنەرایەتیكردنی یانەكەی راگەیاند، دوای بەدەستهێنانی نازناوی خولی ئیتاڵی.

هەژماری فەرمی ناپۆلی لە بەیاننامەیەكی فەرمیدا لە تۆڕی كۆمەڵایەتی تویتەر رایگەیاند رودی گارسیا وەك راهێنەری نوێی یانەكە دەستنیشانكراوە.

✍️ Rudi García è il nuovo allenatore del Napoli!
Benvenuto Mister 👋 pic.twitter.com/aYjOVpGDP9

— Official SSC Napoli (@sscnapoli) June 15, 2023

پێشتر گارسیا راهێنەری یانەی نەسڕی سعودی بوو، بەڵام بەهۆی درووستبوونی ناكۆكی لە نێوان راهێنەرە فەڕەنسیەكە و یاریزانانی یانەكەدا دواجار گارسیا یانەكەی جێهێشت.

ناپۆلی توانی ببێتە پاڵەوانی سكۆدێتۆ بۆ وەرزی 2022/2023 لە دوای 33 ساڵ لە دابڕان لە بردنەوەی نازناوەكە.