ئیسپانیابازاڕی گواستنه‌وه
تیباس: رەنگە ئەم هاوینە ئێمباپێ رووبکاتە ریاڵ مەدرید
یاریگا-خافیێر تیباس سەرۆکی لالیگا دەڵێت پێشبینی دەکات ئەم هاوینە کیلیان ئێمباپێ رووبکاتە ریاڵ مەدرید.
تادێت دەنگۆی پەیوەندیکردنی ئەستێرە فەڕەنسییەکە بە ریاڵ مەدریدەوە بەهێزتردەبێت سەرەڕای لێدوانە یەک لەدوای یەکەکانی ئەو یاریزانە کە دەیەوێت بۆ وەرزێکی دیکە لە پاریس بمێنێتەوە.
تیباس ئەمڕۆ لەلایەن رۆژنامەنووسانەوە پرسیاری ئەو بابەتەی لێکرا وئەویش لە وەڵامدا وتی “وەکو هاندەرێک وەڵام دەدەمەوە، پێم وایە ئەم هاوینە روودەکاتە ریاڵ مەدرید و ئەوان توانای ئەوەیان هەیە ئەو یاریزانە بگوازنەوە ریزەکانیان”.
هەموو سەرچاوەکان کۆکن لەسەر ئەوەی پاریس نایەوێت ساڵی داهاتوو دەستبەرداری ببێت و دەیەوێت ئەم هاوینە لە فرۆشتنی قازانجێکی دارایی بکات.
